• Mühasibat uçotu, maliyyə, audit və ya digər əlaqəli sahələr üzrə bakalavr və ya magistr dərəcəsi;
• Daxili audit sahəsində bir neçə illik təcrübə (İstilik və ya enerji sektorunda təcrübə üstünlükdür);
• Azərbaycan Respublikasının mühasibat uçotu və maliyyə sahəsində qanunları, mövcud standartları bilməsi, mərkəzi istilik sektorunun fəaliyyəti haqqında ümumi biliklər;
• Azərbaycan və ingilis dillərini bilmək;
• Certified Internal Auditor (CIA), Certified Public Accountant (CPA), və ya Certified Information Systems Auditor (CISA) kimi sertifikatlar üstünlük hesab edilir;
• Mühasibat uçotu və audit proqramlarında sərbəst işləmək bacarığı və daxili nəzarət sistemləri üzrə biliklər;
• Güclü analitik bacarıqlar, yüksək ünsiyyət keyfiyyəti və problemləri həll etmə bacarığı;

Vəzifənin qısa təsviri                                                                       

“Azəristiliktəchizat” ASC-nin daxili auditoru maliyyə prosedurlarına riayət olunmasının təmin edilməsində, müntəzəm olaraq auditlərin aparılmasında, monitorinqlərdə, araşdırmalarda, maliyyə və digər sahələrin sənədlərinin yoxlanılmasında, Cəmiyyətdə ümumi səmərəliliyin artırılmasına töhfə verməkdə mühüm rol oynayır. Auditor, ilk növbədə, aktivlərin müəyyən edilməsi və bərpası, hüquqi mühasibat hesabatlarının hazırlanması və təftişində audit fəaliyyətinə dəstək verməlidir.

• Daxili nəzarətin effektivliyini, maliyyə qeydlərinin düzgünlüyünü, müəyyən edilmiş siyasət və prosedurlara uyğunluğunu qiymətləndirmək üçün müntəzəm olaraq daxili audit yoxlamalarının aparılması;
• Yerli, beynəlxalq standartlara və mərkəzi istilik sənayesində qabaqcıl təcrübələrə uyğunluğun təmin edilməsi;
• Fondların izlənməsi, bərpa oluna bilən aktivlərin və potensial risk və ya uyğunsuzluq sahələrinin müəyyən edilməsi üçün hüquqi araşdırmalar;
• Maliyyə məlumatlarının şərhi, performans göstəricilərinin müqayisəsi və təftiş hesabatlarının hazırlanması;
• Riskin qiymətləndirilməsi və potensial risklərin müəyyən edilməsi;
• Təşkilatın fəaliyyətinin və maliyyə vəziyyətinin yaxşılaşdırılması üçün detallı audit hesabatlarının hazırlanması;
• Tövsiyə olunan dəyişikliklərin həyata keçirilməsini təmin etmək üçün səmərəliliyi artıran təkliflər vermək və digər şöbələrlə əməkdaşlıq etmək;

İş mühiti

Gündəlik tapşırıqlar əsasən “Azəristiliktəchizat” ASC-nin ofis mühitində icra olunur. Əmək bazarına uyğun rəqabətli əmək haqqı təklif olunur. İstehsalat sahələrində yoxlama, monitorinq, sahə araşdırmalarının aparılması üçün ezamiyyə və səfərlər tələb oluna bilər.