“Azəristiliktəchizat” ASC göstərdiyi istilik və isti su xidmətinin keyfiyyətinin artırılması, abonent məmnuniyyətinin təmin edilməsi istiqamətində beynəlxalq şirkətlərlə təcrübə mübadiləsini davam etdirir. Səhmdar cəmiyyət bu mövsümdən etibarən tətbiq olunacaq yeniliklərlə bağlı beynəlxalq və yerli şirkətlərlə görüşlər təşkil edir. “Azəristiliktəchizat” ASC-nin sədrinin vəzifəsini müvəqqəti icra edən İlham Mirzəliyev Rusiyanın Rosatom şirkətinin rəhbərliyi ilə görüşüb.
Görüşdə istilik xidmətləri üzrə böyük təcrübəyə malik olan Rusiyada əhalinin istiliklə təminatındakı uzunmüddətli təcrübədən danışılıb. Əməkdaşlıq imkanları və perspektivləri haqqında söhbətdən sonra qonaqlar Səhmdar Cəmiyyətin balansında olan qazanxana və şirkətin istehsalat imkanları ilə tanış olublar.
