“Azəristiliktəchizat” ASC payız-qış mövsümündə yüksək keyfiyyətli və fasiləsiz istilik xidmətinin təmin edilməsi məqsədi ilə işlərini davam etdirir. Yalnız əhali qrupu üçün deyil, həm də qeyri-əhali qrupun da istiliklə təminatının yüksək səviyyədə qurulması üçün müvafiq görşülər davam etdirilir.
“Azəristiliktəchizat” ASC-nin sədrinin müşaviri İlkin Zərbəliyev Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil müəssisələrinin payız-qış mövsümünə hazırlıq tədbirlərinə dair görüşdə iştirak edib. “Azəristiliktəchizat” ASC-nin rəsmisi bildirib ki, məktəblərin istiliklə təminatının həssas yanaşma tələb etdiyini, mövcud problemlərin həllində məsuliyyətin bölüşdürülməsinin mühüm əhəmiyyət daşıyır.
BŞTİ müdiri Mehriban Vəliyeva da bildirib ki, təhsildə keyfiyyətə nail olunmasında bütün amillər mühüm rol oynayır. Bu baxımdan payız-qış mövsümünə hazırlıq, məktəblərin istiliklə təminatına diqqətin artırılması təsadüfi deyil.
