2024-2025-ci illər payız-qış mövsümünə hazırlıq işləri çərçivəsində qazanxana və istilik məntəqələrində çalışacaq əməliyyatçıların peşəkarlıq səviyyəsinin artılıması istimaqətində kadr hazırlığına başlanılmışdır.
“Azəristiliktəchizat” ASC –nin ixtisaslı mütəxəssislərin iştirak ilə nəzəri və praktik təlim kursları keçirilməkdədir.
Kurslarda əməyin mühafizəsi, təhlükəsizlik texnikası, yanğın təhlükəsizliyi və texniki istismar qaydalarının tələbləri nəzərə alınmaqla təsdiq edilən tədris proqramına uyğun olaraq aparılmaqdadır.
Təlim kursları işə cəlb edilməsi nəzərdə tutulan əməliyyatçıların qazanxana və istilik məntəqələrində quraşdırılmış avadanlıqların istismarı ilə bağlı ən minimal biliklərə yiyələnmələklə peşə hazırlıqlarının artırılmasına və istehsal prosesinin təhlükəsizliyinin təmin edilməsinə imkan verəcəkdir.
Təlim kursunun nəticələrinə əsasən dinləyicilərin bilikləri və işgüzar keyfiyyətləri qiymətləndirilir. İndiyədək təlim kurslarında iştirak edən 200 nəfər imtahanları uğurla tamamlayıb. Qeyd edək ki, qazanxana və istilik məntəqələrində 1500-ə yaxın daimi və mövsümü əməliyyatçı var.
Məlumat üçün bildirək ki, 2024-2025-ci illər payız-qış mövsümünə hazırlıq işlərinin 2024-cü ilin oktyabr ayının sonuna qədər başa çatdırılaraq istilik təsərrüfatı avadanlıqlarının tam işlək vəziyyətə gətirilməsi qarşıya qoyulan prioriret vəzifədir.
