Abonentlərin, isidilən sahə və həcmlərin dəqiqləşdirilməsi layihəsinə start verilib

“Azəristiliktəchizat” ASC tərəfindən istiliklə təmin edilən əhali və qeyri-əhali istehlakçı qrupuna aid olan abonentlər barədə məlumatların, həmçinin  isidilən sahə və həcmlərin dəqiqləşdirilməsi məqsədi ilə Cəmiyyətin əməkdaşları tərəfindən istehlakçıların inventarizasiyasının aparılması nəzərdə tutulur. İnventarizasiyanın aparılması işlərinə Cəmiyyətin peşəkar işçiləri cəlb edilmiş və müvafiq qaydada təlimatlandırılmış, Cəmiyyətdə işləmələrini təsdiq edən vəsiqələrlə təmin edilmişdir. 

Prosesə Bakı şəhərində 22 İstilik Sistemləri İstismar Sahəsi,  digər şəhər və rayonlarda 46 İstilik Sistemləri İstismar Sahələrinin əməkdaşları cəlb olunub.

Layihə “Azəristiliktəchizat” ASC-nin Bakı şəhəri və respublikanın regionlarında balansında olan 3871 yaşayış binasını əhatə edən  180 minə yaxın mənzil, 2851 büdcədən maliyyələşən və ya sosial və digər təyinatlı  təsərrüfat obyektlərini əhatə edəcək.

Vətəndaşlarımıza müraciət edərək mənzillərdə isidilən sahə və həcmlərin dəqiqləşdirilməsi aparılarkən Cəmiyyətin əməkdaşlarına müvafiq şəraitin yaradılmasını xahiş edirik.

Redaktorlar üçün qeydlər

Azəristiliktəchizat ASC-nin vəzifəsi istilik enerjisinin istehsalı, ötürülməsi, paylanması, satışı və servis xidmətlərinin yerinə yetirilməsi funksiyalarını həyata keçirməklə Bakı şəhərində və respublikanın regionlarında yaşayış evlərinin və binalarının, təhsil, səhiyyə müəssisələrinin və digər sosial təyinatlı obyektlərin keyfiyyətli istilik təchizatını təmin etməkdən ibarətdir.

 

Bu xidmətləri yüksək keyfiyyətdə göstərmək üçün Cəmiyyət 560 qazanxana, 1000 km-dən artıq magistral və məhəllədaxili istilik xətləri, 1300-dən artıq qazan aqreqatı, 3000 nasos avadanlığı, 512 istilik mübadilə qurğusu və texniki rejim parametrlərinin saxlanılması üçün  20000-dən artıq müxtəlif mühəndis qurğularını istismar edir.

 

Cəmiyyətdə 1200-ə yaxın daimi, 1100-ə yaxın mövsümü işçi fəaliyyət göstərir və    onlardan 500-ə yaxını  respublikanın regionlarında çalışır.

 

 

Əlavə məlumat üçün:

Azəristiliktəchizat ASC şirkətinin baş ofisindəki mətbuat xidmətində Elvin Basqallıya müraciət edə bilərsiniz.
 

Telefon: (+994 50) 264 47 43

Elektron poçt: elvinbasqalli@gmail.com

 

Azəristiliktəchizat ASC şirkəti haqqında məlumat əldə etmək üçün http://azeristilik.gov.az/ rəsmi internet səhifəsinə daxil ola bilərsiniz.