“Azəristiliktəchizat” ASC payız-qış mövsümünə hazırlıq çərçivəsində görülən işlər barədə ictimaiyyəti məlumatlandırmağa davam edir. Səhmdar Cəmiyyətin Texniki İstehsalat Şöbəsinin rəisi Xəqani Süleymanlı və İctimaiyyətlə Əlaqələr üzrə Xidmətin rəhbəri Elvin Basqallı 104 fm “Space” radiosunda “Qanunnamə” verilişinin qonağı olublar. Tanınmış aparıcı Əzizə İsmayılovanın və abonentlərin suallarını cavablandıran “Azəristiliktəchizat” ASC-nin rəsmiləri hazırlıq işləri ilə bağlı görülən işlər barədə bir saat ərzində ətraflı məlumat veriblər.
